2*2+2*2= ХАС ЦЭГ

Ёс суртахууны
Ухамсарын
Эрдмийн
Хариуцлагын цэг авлаа 

Оршихуйн 
Ухаарлын 
Ярууслын 
Гэгээрлийн цэг тавилаа 

Тогтмол чанар-БИ-хувьсах хөдөлгөөн

ТОМЬЁО

Photo: Tokyo international art fair 2016

Үнэнийг үнэнээр нь байлга,
Битгий худалд 
Худлыг худлаар нь орхи,  
Битгий буд

БҮТЭЭ

Хэрэгтэйг бүтээ
Хүнд хэрэгтэйг бүтээ
Монгол хүнд хэрэгтэйг бүтээ
Энэ Монголд хэрэгтэйг бүтээ
Ирээдүйн Монголыг бүтээ

ҮҮЦ ЗАДЛАХ ЦАГ

 JEAN DUBUFFET

Cow with a beautiful tail (Сайхан сүүлтэй үнээ),1954, 

Japan, The National Museum of Western Art

Үнэнд юмс хөгжин өрнөхөд
Үнэнч журам хүмүүнээс гэрэлтэхэд
Үнэн, шудрага хоёр амдрахуйг залуурдахад
Үүцээ задлах цаг ирнэ
Цаг ирнэ

НАДААС ХАМААРАХ ХУДАЛ

Талд татаагүй торыг
Тархиндаа татаж хуваагдсан
Танихгүй хүмүүсийн зохиол
Худал бүхэнд амьдрахгүй
Адал хуурмаг оршихгүй

ЯГШУУ

Video by Daniel Crooks 

An embroidery of voids

Тогтсон цагт сэрж унтах ёстой

Товлосон цагт ажиллаж амрах ёстой

Тодорхой цагт төрж бас төгсөх ёстой

Ягштал цаг баримтлах ёстой

Болзолт цагтаа бороо орох ёстой

Хуваарьт хугацаандаа хавар ирэх ёстой

Ягштал цаг баримтлах ёстой

Хожиж болохгүй 

Хоцорч болохгүй

Хэмнэж болохгүй

Үрж болохгүй 

Үхширтэл цаг баримтлах ёстой

МЭДРЭМЖИЙН ЦУГЛУУЛГА

Title: Walking Thoughts.

Medium: Acrylic on canvas

Size: 18" x 18

Зүгээр л дахин мэдрэх гэж шунаад
Мэдрэмжүүд бие биеэсээ үүсээд 
Өөр цэгт хүрээд л сарниад 
Өөр хоорондоо зөрчилдөөд
Хадгалж үлдээх гэж оролдоод л, оролдоод л

Зүгээр дахин дахин мэдрэх 
Хамгийн энгийн бодолд амьдар

МОДЕРН

Joan Miró (1893-1983) 

Untitled, 1953 

oil on canvas 200 x 200.7 cm

National Museum of Western Art, Tokyo, Japan

Нов ногоон мододыг

Цэв цэнгэг усаар услаад

Улаан бас цагаан цэцэг

Ургахыг хүлээнэ

Уйд дарагдсан хорвоогийн 

Урлаж чадах ганц модерн 

ОЛОН ДҮРТЭЙ НОХОЙ

Нохой- хөдөө нутаг- банхар
Нохой- бага нас- 4 танкчин
Нохой- анд нөхөр- гэмт хэрэг
Нохой- гэр бүл- хөөсөн мөрөөдөл 
Нохой- өтөл нас- үсчний газар

Бага нас, нохой, өтөл нас

ХҮЛЭЭХ ШАЛТГААН

Бусдын зовж буй шалтгаан би
Тэдний  цөхрөлд үр тарьж
Гуниглах мододыг услаад 
Хүлээж сууна 

ЭНГИЙН БУТАРХАЙ

Аяс бүхэн чамд оньслогдоход 
Энгийнээс энгийн үлд
Юмс бүхэн чамд мөрөө үлдээхэд
Гэгээнээс гэгээн орш
Зүйд тэнцэн хуваагдаж
Хүртвэр бүрт багаас бага бай

ТАЙВАН

Нүдээ анин гэрлийн зүг хандаад
Буй бүхний аясыг мэдрэх нь
Тайван юм

Тэлэлт, эрчим, би сүүдэр
Тэнцвэр, хувилбар, олонлог сүүдэр 
Тийм тайван,
Тайван орших нь хүч юм

ХУЙЛРАА

Van Gogh - Alive 

Art and science musiem of singapore (2011)

Цаг хугацаа урсаж биш тусгаарлаж
Цацрах долгион хуваагдаж бас нэгдэж 
Эмхгүйд дурлаж 
Цэгцтэй хуйларна 

ИЛҮҮ ЭРХТЭН

Хүн бужигнах хонгилд
Тэнхээ мэдэн алхана
Дэмий юм ч бодохоо больж

Буй бүхэн хувирахгүй 
Болзолт цагтаа өрнөөд
Эргэлзэхээ ч байж

МӨРӨӨДӨХ Л ХЭРЭГТЭЙ

Vincent Van Gogh

Starry night 

Oil on canvas

72.5x92 cm

National Museum of Singapore

Хурууны хээ буусан
Хүрдэт урсгалаас
Хүслийн долгиог харахаар
Хүлээх, хүлээх л хэрэгтэй

Эгэл биеэс задарч 
Эх ертөнц бүтэх хүртэл
Мөрөөдөх, мөрөөдөх хэрэгтэй 
Мөрөөдөх, мөрөөдөх л хэрэгтэй

ДАЛАВЧТНЫ ЗОВЛОН

Art by Colette Miller 

- The Global Angel Wings Project

Торон доторх том зовлонг

Тойрч үзэх тасалбар хямдарч

Далавчаа зүүгээд хүмүүс 

Дараалалд зогсоно

ТОМ ЖООМ

Хайрцаг дотроо шил шагайгаад
Хачин гунигтай амьдардаг юм
Том жоомноос үхтлээ айдаг
Жижигхэн охин хөрш маань юм
Өөрийгөө л хайрлах аминчирхал нь
Үнэндээ шавжийн урин ханхалга юм

БООЛЧЛОЛ

Шудрага үнэний өчүүхэн буланд
Худал хуурмаг хоргодож суудаг юм
Хүний төлөөх сайхан сэтгэлээр
Хувиа бодогчид хооллодог юм
Сайны үрээр гэдсээ цатгаад
Санаанаасаа үнэнийг зохиож
Гэгээн сэтгэлт бүхнийг
Гинжлэн эзэрхдэг юм