ХОЁР НУТАГТАН

Artist David Irvine 

Image via The Gnarled Branch/Facebook

Тэндхийнх ч биш, эндхийнх ч биш

Тэднийг ч олоогүй, өөрийгөө ч таниагүй

Тэнэсээр, тэнэсээр, түүний хойдох тэнэсээр 

Тэнд ч үгүй, энд ч үгүй

Ор үгүй болно

ЗӨНЧ ХЭРЭЭ

CROWS LINE 3 
by Elizabeth Mukerji

Шон дээр суусан хэрээ орилохоос өөрийг мэдэхгүй

Солиотой хүмүүс түүнийг зөнч гэж итгэдэг 

PIERROT

BONJOUR, PIERROT!

Ethel Wright, 1893 

Амжилт хүсэх болгондоо

Чи азыг минь хулгайлж

Итгэлийг минь авах болгондоо

Чи боломжийг минь булаасан

ОРХИХЫН ЦААНА

Photo by Baavgai

Буй бүхэн алсран одно

Цаг хугацаа

Хүсэл

Бие минь хүртэл орхино

Хүлээс бүхэн алдуурч орхино

Шарласан номын хуудсанд

Шад шүлэг л үлдэнэ 

ГОЛОГДОЛ

Output to another reality

Nina Tokhmaman Valetova, 2011

Бодлоос гадуур таньж

Баталгаагүйг мэдэж 

Болохгүй бүхнийг бүтээсэн 

Үйлдвэрийн гологдол хүмүүс

ДУУЛГАВАРГҮЙ ҮНЭ ЦЭНЭ

OVER TEN THOUSAND INDIVIDUAL ... 

Allan Mccollum 1987-1991

Зөрчил

Эргэлзээ 

Зөв эсвэл буруу

Чамд би юу ч хэлж чадахгүйн 

ОРХИХ ОРЧИЛТ

Artist Lorenzo Duran

Их цуглуулах нь 
Их харамсах шалтгаан
Устгах гэж эрх чөлөө оршдоггүй юм

INTERVIEW

Photographer Lars V. Andersen

Байна уу? Та 

- Бодож чадах уу?

- Зөвшөөрч чадах уу?

Үгүй, зөвхөн харамсаж л чадна

Байна уу? Та 

- Хордуулагч уу?

- Хомхойрогч уу? 

Үгүй ээ, би харамсагч

Байна уу? ...

БИ ҮГҮЙ

RETENTION

Ai Ukisu

Tokyo metropolitan art museum 

photo by Baavgai

Бичвэрт алдаа үгүй, эзэн үгүй
Зурагт дурсамж үгүй, бие үгүй
Найралд баясал үгүй, гуниг ч үгүй
Тэмүүлэхгүй бас санаашрах ч үгүй 
Байсан бүхэн хэвээр атал 
Би үгүй болчхож...

ХЭН Ч БАЙХГҮЙ

Melting men

Installation by Nele Azevedo

Berlin, Germany

Үзэл бодол гэж үгүй
Үнэт зүйлс гэж үгүй
Хүндлэл үгүй
Эв үгүй
Энд хэн ч байхгүй 

Эрхэм суртахуун гэж үгүй
Цэгц журам гэж үгүй
Шударга үгүй
Үнэн үгүй
Тэдэнд эх орон гэж үгүй

[ХАЙР]:ЦАГ ДОТОР

painter Justin Bower

Баярлаж эсвэл гуньж байгааг чинь

Би ялгаж чадахгүй байна

Тооцож чадахгүй, 

Шийдэж чадахгүй байна

Би баярлаж бас гуньж ч чадахгүй байна.

[Хайр]:010 дотор

БАЛЛУУР

Аргалсан бүхэн чин

Авилгалсан бүхэн чин

Зөв буруугийн заагийг арилгаж

Чамайг үгүй хийнэ

НҮҮДЭЛ

Painter Ts.Tsegmed

Нүүдэл,

Амьдрахын төлөө 

Шудрага ёсны төлөө

Эрх чөлөөний төлөө

Тусгаар тогтнолын төлөөх тэмцэл

Өрөгт,

Ноёнгүй бол нүүж болдоггүй юм

ХҮСЭЛ ҮГҮЙ

BOBBY O 

Cover  of "freedom in 
an unfree world" album

Мэдлэг бүхнийг мэхэлж авах

Шагнал цуглуулж сайханд хүрэх 

Үхэхдээ өндөр эрэмбэд залрах гэсэн

Муухай орчлон атгаг хүслээс минь төрсөн

БИ АМЬДАРМААР БАЙНА

Daniel Crooks  

Remapping

24 May–7 July 2013

Уншиж
Ярилцаж
Эсэргүүцэж
Гарцаар гарч
Шударгаар бүтээж
Амьдармаар байна

САЙХАН БА ҮНЭНИЙ ДҮР

at 798 art zone in Beijing

photo by Baavgai

Чи сайхны өмч биш

Чи үнэний бүтээгч биш

Чиний сайхан намайг тодорхойлохгүй

Чи бас би ч үнэнийг томьёолохгүй 

ОРЧИН ҮЕ

MY BED

Tracey Emin

Эгшгийн сайхныг дуурсгачихсан 

Үгийн сайхныг өгүүлчихсэн  

Үзэгдэх сайхныг дүрсэлчихсэн     

Хүний сайхан арилчихсан  

Сайхан бүхэн дуусчихсан