Арван жил блог бичиж 200 гаруй пост оруулжээ. Заримыг нь ч олон хүн уншиж, хэсэг
нь тэгэс гээд л үлдсэн байна. Энд тэнд нийтэлье, уншъя, хэвлүүлье гэж явсангүй
ээ. Тэр ч зорилго минь биш байлаа. Хүний
тухай, хүн байх тухай, үнэний тухай, оршихуйн тухай 10 жил бичсэн болохоор энэ блогийн
тухай нэг ярьж, тэмдэглэж үлдээе гэж бодсон юм. Энэ учрын дор ӨӨРИЙГӨӨ
ЭРГЭЦҮҮЛЭХ ХЭРЭГСЭЛ буюу http://baavgait.blogspot.com блогийн тухай номыг эмхэтгэн танд өргөв.
Б.М
Albert Camus The Myth of Sisyphus /Illustration, by Vedran Stimac
Нарийн төлөвлөлт, гайхалтай зохион байгуулалтын дүнд ЭНГИЙН бүрддэг. Б.М
Үзэл нь бодлоосоо
Үг нь үйлдлээсээ зөрж
Үнэн, сайхан бүхэн
Үгүй болж балартсан
Ямар гээчийн гажуу орон вэ?
Бүтээсэн бичвэрт
Би минь зохихгүй болж
Чухалыг цуглуулсаар
Хэрэггүйн овоолго босгож
Есенин бидний дунд амьдахгүй байсан
Ер бусын бүгчим, салхивчаа нээсэн ч бүтмээр
Хугацаа нь дуусаад, үнэр ормоор хайран дунд
Хүн болгон руу инээж амьдарна гэдэг там бус уу
Painting To Hammer A Nail,
Yoko Ono, 1966
1.
Ор үлдэх нь
Хадаасны хэрэг ч
Алхны шунал
Тогтоох гэсэн тавны зовлон
2.
Зовлон, шунал, хэрэг гурав
Хорвоог илээсэн мөр болно
Ор, мөр, одон цогцыг багтаасаар
Огт-ор-үгүй болно
Таван мөхөл өнгөрөөгөөд
Тайвширч амс хийх зуур
Хүн гэгч тахал
Хүсэл, шуналын боол
Маргаашийн тухай бодолгүй
Мөхөлд дахин дуудна.
Ухамсар, оюун
хоёроос сонголт хийсэн
Ухаанд бүхнийг
найдаж орхисон нь
Хүн төрөлхтнийг
мөхөл рүү хөтөлсөн
no face Man Painting
Cristian Armenta, Mexico
Acrylic on Canvas
Size:80Wx100Hx4D cm
Хөг алдарч сайханд хорогдох зайгүй болсон
Хүсэл мөрөөдлийг таних цаггүй болсон
Хүн хүнээ хайрлах завгүй болсон
Хүн үгүй болсон
Аугаа суутнуудын
анх түшсэн
Арвин эрдэм
оргилсон
Алтан навчис
зөөлөн хаялсан
Их сургуулийн
гудамжаар алхалж явна
Нарны цаг
Цаг уурын хэмжүүр
Номын сан, сүрлэг
баганууд
Миний мэдэх
оюутан нас…..
Тэр цаг хугацаа улираагүй, оршин байгаа
Тэнд бүх зүйл өнгөрөөгүй, өрнөж л байгаа
Түмний дунд чи явж л байгаа, тэр хэвээрээ
