БОДОЛ ЭРЧИЙДЭХҮЙ

Ирсэн бол явах тухай

Авах, авахгүйн тухай

Мөн өгөх тухай

Мэдэхгүйн тухай

Магадлан бодох

Марталгүй боддог байх

 

Таних тухай

Өндөр байшингийн сүүдэрт

Гуйлга гуйгаад суусан ч яадаг юм

Үнэтэй зангиа зүүгээд 

Наран талд нь алхлаа ч яалаа

Өнцөг булан эргээд

Өөрийгөө таних нь чухал

НАМАР

Модод шаргалтаад Навчис замыг минь чимж газардаад Тэр замыг дагаад хөг алдран алхах Тийм л нэгэн намрыг үлдээлээ

ТАЛЫН НАМАР (Nocturne)

Намрын тал  сэтгэлийн татлагатай

                      энэрлийн илчтэй

                      нигүүлслийн сэвшээтэй

Талын түмэн итгэлийн гэгээтэй

БИДНИЙ ҮЛДЭХ ОРОН ЗАЙ

Тусыг мартддаггүй

Үнэнг буддаггүй

Өгөхдөө хариу боддоггүй

Бидний үлдэх орон зай

Сархадыг хүртэхдээ саванд нь үлдээдэг

Шинийг бүтээхдээ хуучны зайг оршоодог

Үг хэлэхдээ бодохыг нь үлдээдэг

Бидний үлдэх орон зай

ӨӨРӨӨ БҮТСЭН ОРЧЛОН

Их тэсрэлт Энергийн тойрог Сүүн замын орчил Нарны систем Гараг, солирын мөргөлдөөн Хүчилтөрөгчит орон Ахдагч амь Хувьсал … Чамд хүрэх яагаа ч үгүй байна 

АМЬСГАЛ АВААД ГАРГАХ ЗУУР

Буй бүхний шалтгааныг огоорч
Бидний асуудал бусдынхаас өөр гэж сэтгэнэ
Галзуу юм шиг тийчилж
Гай бүхнийг туучин амьдарна
Би 
Их, багын
Баян, ядуугийн
Ухаантан, тэнэгийн хэмжүүр биш
Бид
Зүгээр л давталт
Зүйтэй бүхнийг дахин суръя

24.07 Станбул

НӨХӨР

Хаана ч оршсон 

Хамт гэх утга

Дурсамж, мэдрэмжийн садан

Дуурьсал зохирох эгшиг

Орчихуй цаг дор

Өөрөө нийцэх бодол

ГЭЭГДЭХ ЭГШИГ

Амьдралын олон залгавар дунд

Анзаарагдахгүй болж балархайтах

Чухлын энэ орчлонд

Гийгүүлэгч болж бусдыг бүтээсэн

Гээгдэх эгшиг байжээ би

ӨӨРИЙГӨӨ ЭРЭГЦҮҮЛЭХ ХЭРЭГСЭЛ

Дэлхийн цагт аргамжуулж

Үнэнд нийцэн оршиж

Өөрийгөө эрэгцүүлэхийг 

Амьдрал гэдэг

МОНГОЛ ҮГ

 

Үгс бүдгэрээд

Дурсамж минь цуг алсраад

Мэдрэмж, найдвар ч арилаад

Монгол минь алга болчихно

Хайр

Чимээгүй Нөхцөлгүй, Чимээгүй Энэрсэн, Нөхцөлгүй, Чимээгүй Хүндэлсэн, Энэрсэн, Нөхцөлгүй, Чимээгүй Дотночилсон, Хүндэлсэн, Энэрсэн, Нөхцөлгүй, Чимээгүй Мэдэрсэн, Дотночилсон, Хүндэлсэн, Энэрсэн, Нөхцөлгүй, Чимээгүй Найдсан, Мэдэрсэн, Дотночилсон, Хүндэлсэн, Энэрсэн, Нөхцөлгүй, Чимээгүй Байдаг Хайр
 

Автомат амьдрал

 

Сэтгэлгүй

Бодолгүй

Автомат горимд

Арайхийн амь зууна

ҮНЭНЭЭС БУСДЫГ НУУ

 

Орь хүслээ нуу Онгод билгээ нуу

Очлонгийн зовлонг нуу Нууж болох бүгдийг нуу Өөнтөгч энэ орчлонд Үнэнийг үлдээгээд Бусдыг нуу

Чиний доторх чи (You within you)

Photo at Shah-i-Zinda, Samarkand

Чиний дотор, 

Чимээгүйхэн оршин хорогдоод

Үнэний орон зайг эргүүлдэж, 

Уг чанар, дурсамжийг уудлан суугаа