ЦӨӨРМИЙН ЦЭЦЭГ

Тунарах үзэсгэлэнг эрхшээх гэж

Тогтуун усруу үсрэн оров

Үүсэх долгионд үзэмж сарниад

Үймээн булингарт баригдаж хоцров

 

ӨМХИЙРӨЛ

Үг

Үйл

Үнэр

Үзэсгэлэн

Үзэл санаа

Үнэт зүйлс

Үнэнч сэтгэл

Үл мэдэхүй

Үр

Үхэл

Үргэлж

Үнэн

Байдаг<Үгүй

ХҮНЭЭ Л

 

Харанхуй руу алхсан ч

Гэрэл өөд тэмүүлж

Муу муухайн дунд ч

Сайн сайхныг эрэлхийлж

Хэцүү хүнд тулсан ч

Хүнээ л гээхгүйг бодно

НЭГ ШҮЛЭГ

Нүүдлийн зам дагаад

Нисэн буух шувуу шиг

Нэг амьдрал минь

Нэг л шүлэг билээ