ХҮМҮҮН ЦЭЦЭГС

Амьдралын мөч бүрээс аз жаргалыг нээх нь бишрэлийн цэцэг

Хамаг амьтныг энэрэн хайрлах нь итгэлийн цэцэг

Сайнд тэмүүлэх ухаарал бол гэрлийн цэцэг 

Хүмүүн цэцэгс сайхан сэтгэлийн үрээр урган дэлгэрч байх болтугай

 

АМГАЛАН

Сэтгэл бол хөрс,

Бодол бол үр,

Үйл нь жимс —

Амар амгалан гадна үгүй,

Сэтгэл, бодол, үйлийн дотор оршино.

ЦАГ

Цаг хугацаа түрүүлдэггүй, хоцордоггүй

Яг л янзаараа урсаж байдаг

Харин бид —

Мартаж, төөрч, зөрж өнгөрдөг

ДӨРВӨН ӨНГӨ

Ягаан — сэрэхүйн гэгээ.

Ногоон — оршихуйн дуун

Шаргал — уналын гуниг

Хөх — нам гүмийн гэрэл

ТҮНЭРИЙН ГЭРЭЛ

Түнэр харанхуйд гэрэл амьсгалж байдаг

Хамгийн гүн шөнөд өглөө төрж байдаг

Гэмшлийн сэтгэлд ухаарал асдаг

Муугаас буцах хүслээр сайныг бүтээдэг

ЦАС, ХИШИГ ХОЁР

Шинэхэн цаснаар ....,

Сайхан хүмүүнд муу үг хэлчихсэн бол яана

Сайн буянтанд муу сэтгэл төрүүлчихсэн бол яана

Шим үгүй үйлийг үйлдсээр одвол яана

Шинэ цаснаар ийн бодлоо

ЭНГИЙН

Энгийн цайны үнэрээр

Өглөөг угтах сайхан.

Эгэлхэн нэгэн инээмсэглэлд

Хутагт үнэн оршино

ХҮН

Хүн

Хүмүүжил

Мэдлэг

Зүтгэл

Итгэл

Бишрэл

Ёс зүй

Үнэт зүйл

=

Энэрэх сэтгэл

Энэрэх сэтгэл

Энэрэх сэтгэл

Энэрэх сэтгэл

Энэрэх сэтгэл

Энэрэх сэтгэл

Энэрэх сэтгэл

Хүн

УР-ӨВ-ЕРТӨНЦ

Гарын ураар хэлбэр бүтнэ,

Сэтгэлийн ураар утга төрнө.

Гэгээрлийн ураар үнэн гийнэ,

Оршихуйн ураар амгалан бүрдэнэ.

Оршихуйн өвөөр амгалан бүрдэнэ.

Гэгээрлийн  өвөөр үнэн гийнэ,

Сэтгэлийн өвөөр утга төрнө.

Гарын өвөөр хэлбэр бүтнэ

УХААРЛЫН ДӨРВӨН ҮҮД

Үрэн дотор үйл нь буй,

Ухамсар дотор үнэн нь буй,

Зөв сэтгэл дотор ариун нь буй,

Одоо дотор мөнх нь буй.

НАМАР

Намар болохыг

Навчис шарлахыг

Хагдрахыг 

Навчис хөглөрөх уйг

Салхийг бас хүлээнэ

Тэгээд 

Тэр намар алтраад үлдэнэ

ЖАМ

Зовох өдөр байхад,

Жаргах өдөр ирдэг дээ.

Амьсгал бүрт гэрэл урсаж,

Амьд явахуй өөрөө гайхамшиг ажээ.

ГАЙХАМШИГ

Ид шид бус энэрэх сэтгэл 

Энд, одоод амьдарч буй нь 

Гайхамшиг ажээ

ОДОХУЙ, ИРЭХҮЙ, БИ

Одох, ирэхийн дундах тулах цэг 

Оноо, алдааны дундах гэрэл 

"БИ", "би"-ийн дундах үнэн 

Бусдын харцанд тодрох хариулт

ОРШИХУЙ

Урсаад, 

Төөрөгдөл үнэмшил болж 

Урсаад, уусаад л... 

Угт нь үнэнээс үл буцахуй л тунарна

Nowness and Nowless

Зүрхний цохилтоор асгарах мөрт

Нүдний торлогт үлдэх гэрэл

Агшинг амжиж тэвэрсэн ухамсар

Агшин үгүй хоосон чанар

 

ТАТАХ ХҮЧ БА ЭНЭРЭХ СЭТГЭЛ

Танхим дүүрэн бүгчим агаарт,

Торгоож хаасан цонхыг нээ

Амьдрал дүүрэн зовлон дунд 

Алив олон минь энэрэл хайраа битгий гээгээрэй

ЖАМ

Навчис намартаа унах нь нартын жам

Үйлээс үр боловсрох нь үнэнээс буцдаггүйн жам

Сайнаас сайхан ургах нь салшгүй жам

Муу сэтгэлээс зовлон төрөх нь зайлшгүй жам

Өөрчлөгдөх нь оршихуйн жам

Гэгээн сэтгэлээр амьдрах нь хүмүүн орчлонгийн жам ажээ

 

ЭХЛЭЛ ҮГҮЙГЭЭС

Өчигдрийн үрээр

Өнөөдөр ургасан ажээ

Өнөөдрийн манангаас

Маргааш боловсрох ажээ

-+-=+

Тэд 

Орчин үеийг үзэн ядна

Уламжлалаа үзэн ядна

Гэхдээ тэд хөгжинө

Бид 

Орчин үеийг мэдэхгүй

Уламжлалаа бас мэдэхгүй

Тэгээд бид ялзарна

ЗАМ

Өөрийн жимээр зүтгэх — буруу,

Олны жишгээр дагахуй — буруу.

Үнэний гэгээгээр чиг хийж,

Зөвийн мөрөөр алхахаас

Өөр зам үгүй ээ.

САЛХИ

Бүжиглэж, долгиолж,  

Цоролзож, дүрэлзэж,  

Сэгсэрч, цохилж,  

Унарч, уугина  

Гал хэмээгч — салхи ажээ

УХАМСРЫН ОРОН

Хуурмаггүй таньсан үнэн мэдэлд

Мунхгийг давсан зөв сэтгэлд  

Хөг тэнцэх чөлөөнд

Төгс ухамсрын орон буй

 

МОНГОЛЫГ ХАЙРЛАХУЙ

Өөртөө үнэнийг битгий зохио,

Өрөөлөөс өрсөх гэж бүү тэмүүл

Зөвөөс бүү буц —

Хонжоогүй ухаанд л

Монголыг хайрлах үнэн төрнө

АМЬДРАХУЙ

Үзэгдэх бүхэн хувилгаан шидтэй

Үнэний чинадад бурханлаг чанартай

Салхи исгэрэх нь ч номын аялгуутай

Сайхны хорвоод бүхнийг хайрлах нь

Амьдрахуй болой

БАГАА ТАЙЛ

 

Дүр эсгэ

Таалагд

Тааруулж хүс

Дотроо үх

Таалагдаж амьдрах уу?

Үнэнээрээ байх уу?

Чи яаж ингэж шааж чаддаг байна аа

Хэний төлөө амьдарна вэ?

ХООСОН

Зөрчлөөр дүүрэн цөөрөмд

Загас биш хүн болж сэллээ би

Зовлон, жаргалын алинд ч

Өөрийгөө алдахгүй гэж сөрлөө би

Үнэ цэнэ, цаг хугацааг даваад

"Би" гэдэг хоосон болохыг танилаа

self and Self (ӨӨРИЙГӨӨ ЭРГЭЦҮҮЛЭХ ХЭРЭГСЭЛ)

 

Би жижиг 

Чи үлэмж

Чи бол жинхэнэ би

***

Би:

Эго

Хүсэл

Айдас

Шаналал

Нэр төр

Нөхцөлт

Хувьсамтгай

Тусгаарлагдмал ухамсар

***

Чи:

Хувьсашгүй

Мөн чанар

Цаглашгүй энэрэл

Үүрдийн оршихуй

Айдас, эгогүй

Нэр төрөөс ангид 

Цэвэр ухамсар 

Жинхэнэ би

***

Чи бол үнэн

Би бол хуурмаг

Чи бол жинхэнэ би

БУЛШ

 

Мянган тохиолдолд үнэн оршив ч

Нэг л удаа худал байвал

Нэр чинь үхэж, худалч л үлдэнэ

Үнэнийг хайгаад олохоо больчихно.

УХААН

Муутай учирсан ч сайныг бодох зай

Муу сэтгэлд чөдөрлүүлсэн ч энэрэх зай

Муудаж, гомдсон ч эвлэрэх зай

Итгэл эвдсэн ч гэмших зай үлдээхийг ухаан гэх ажээ

ЮМСЫН ДОТОР

Өнөөдөр хагдрах цэцэгс

Өчигдөр дэлгэрээгүй.

Өчигдөр дэлбээлсэн цоморлог

Өнөөдөр хагдраагүй ээ.

Цэцэгсийн төлөө үр соёолдоггүй —

Юмсын дотор

Өнгөрсөн үгүй ажээ.

 

ҮНЭТ ЗҮЙЛИЙН МӨН ЧАНАР

Шударга байдал

Энэрэл

Хүндлэл

Эрх чөлөө 

Хайр

=

Үнэн 

=

Шударга ёс

Тэгш байдал

Энх тайван 

Ардчилал

 

УХААРАЛ

Модод нахиалах нь өөр өөр хугацаатайн адил

Хүний ухаарал өөрийн цагтаа ирдэг ажээ

Бусдын замд дэнс бүү тавь

Бодь сэтгэлтэн ч унаж босдог билээ

ХҮН ГЭЖ

Зовлонгийн дүрэмтэй хорвоод

Жаргах л гэж мөрөөддөг

Хүн гэж мөн гэгээхэн амьтнаа даа

 

ХҮН

Хүн

Хүмүүжил

Мэдлэг

Зүтгэл

Итгэл

Бишрэл

Ёс зүй

Үнэт зүйл

=

Энэрэх сэтгэл

Энэрэх сэтгэл

Энэрэх сэтгэл

Энэрэх сэтгэл

Энэрэх сэтгэл

Энэрэх сэтгэл

Энэрэх сэтгэл

Хүн

 

МӨН ЧАНАР

Хүмүүн яаж бурхан болж гэгээрдгийг

Хүмүүн яаж чөтгөр болж хувирдгийг

Нэгэн оны завсарт үзвэл

Мөнх бусын хорвоо -

Мөн чанарын шүншигтэй ажээ

NO- MĀNA

Би хэнээс ч дээр биш

Би хэнтэй ч ижил биш

Би хэнээс ч доор биш

Би юунаас ч илүү биш

Би юутай ч ижил биш 

Би юунаас ч дутуу биш

ҮНЭН БИЛЭЭ БИ

Тийм ээ, би тэнгэр шиг биш

Үнэний тухай мэдэхгүй

Үнэний гэгдэх хорвоод унаад

Худалтай анх учирсан

Хүнийг битгий зовоосой гээд

Үнэнд сөгдөж залбирсан

Зовлонг туучаад алхахдаа

Үнэнд итгэж тайтгарсан

Тийм ээ, тэнгэр шиг биш ч 

Үнэн билээ би

 

ҮГИЙН САЙН

 

Үгээ зориуж муулах бүрийн

Үрийг олон дэлгэрнэ би

Үзлийн муугаас салаад

Үгийн сайн болж танд хүрнэ

ХИЙМЭЛ

Өнгө, мөнгийг шүтээд

Өрөөлийн зовлонг харж тачаадах

Өөрөө өөртөө живээд

Амьдарч үл чадах тийм үхмэл

ҮНЭН БА ҮНЭН АМЬДРАЛ

 

Photo: Gateway in Clouds

By Douglas Penick

SPRING 2022

Үнэнг зохиохоор

Бодол төөрнө

Худалдаа живнэ

Эрх чөлөөгөө алдана

Хүн үгүй болно

-

Үнэн=Ёс зүй=Сайхан=Амьдрал

Үнэн#Ёс зүй#Сайхан#Амьдрал

ШАЛТГААН БА ЭРДЭМ

 

Цэцэгс дэлгэрч сайхныг үзүүлэх нь гандах шалтгаан

Жаргал, зовлонг туучин амьдрах нь үхэх шалтгаан

Ус, хөрс, гэрэл ургахын шалтгаан болохтой адил 

Үнэн, мэдлэг, сайн сэтгэлийг хураах нь эрдэм ажээ