САЙН АХ

 

Enemy, Kezimir Malevich, 1913

Үг болгоныг нь биелүүлж

Үйлдэл бүхнийг нь дагадаг, ах нар чинь

Үнэндээ, чамайг алахыг л хүсдэг.

ХУЛЖСАН САЛХИ

Death awaiting his family, Yves Tanguy

Тархи, зүрх, цаг гурав зөрж цохисон

Тийм гэхийн эцэсгүй жихүүн байна, энд

Салхи хулжиж, тархи дүрвэж байна.

Сайхан эх орон чинь хаана байна?

ХҮСЭЛ МИНИЙ АРТ

2011 онд Сингапурын урлагийн музейд үзэж, сэтгэлдээ хадгалжээ. Энэ сайхан бүтээлийн эзнийг олж нийтэлж чадсангүй.

Бүтээх хүсэл бүхэн миний арт юм

Бүтэн бодоогүйтэй минь холилдож харамсал болдог

 

ХҮН ЧУХАЛ

 

Selbstbildnis

Julius Bissier, XX cent.

Бусдаас илүү мундаг ... болохоос

Бусадтай адил сайн ... болох нь чухал 

ХЭЛЭЭГҮЙ БОЛОХООР

 

at 798 Art Zone in Beijing

Чи таниагүй

Миний бодлыг

Би хэлээгүй болохоор

ӨЧИГДРИЙН ХҮН

Amedeo Modigliani,  Portrait of Jeanne Hebuterne in a large hat,  1918

Кафка, Оруэллыг уншиж

Пикассо, Модильянид татагдаж

Амьдрал, ардчилал хоёрыг шударга гэдэгт итгэсэн

Би өчигдрийн хүн

ӨГЛӨӨ БҮРИЙН ИТГЭЛ

Photo by Baavgai.ts

at Ichigawa

Нэг л өглөө голын эрэгт цэцэгс дэлгэрчихсэн

Нэрийг нь мэдэхгүй ч хүмүүс мэндлээд инээмсэглэх 

Нэг тийм сайхан мэдрэмж өдөр бүр урсах ч

Нэг л өдөр голын тэнд очихгүй бол олж эс чадна