ОЛСОН НЬ

PENCIL MASK

Rebecca Horn 

650 x 520 x 400mm, 

Fabric, pencils, metal

Итгэж, Залбирч 

Үзэн ядаж, Зүхэж

Гуньж, Биширч

Шунаж, Тэвчиж

Сексдэж

Үрж, Хурааж

Сурч 

Бүтээж, Сүйтгэж

Мансуурч, Донтож 

Зальдаж, Зусардаж 

Үл тоож, орхиж байж

Ганцаардлаас ангижрах гэсэн

Гагц хүсэлтэйгээ мэдэв

МЭЛХИЙ БОЛОХ МЭХ

Show me the Monet

Banksy, 2005, Oil on Canvas

Бэлгэнд ирсэн мэлхийг
Бэлзэг болгоод зүүв
Бэл,зэргийг илтгэх хөрөнгө болов
Бие,оюуныг ховстсон шүтээн болов

Би- Мэлхий болж...

ОЛОХ, ОРХИХЫН ОРЧИЛД

MONGOLIA (Campaign of Genghis Khan), 1937 

Nicholas Roerich ( Николай Константинович Рёрих)

Хэрэггүйг цуглуулсаар
Хэрэгтэйгээ олж чадахаа байв

Амтны сайханд шунасаар
Гэрийн цайны амтаа санахаа байв

Цэцэрхэл, шагнал, хэлбэрдэлтийг цуглуулсаар
Шударга эрдмийг олж чадахаа байв

Ихээс ихийг хайсаар
Үнэтэй бүхнээ олохоо байв

NO CHAOS DAMN IT

Number 23

Jackson Pollock, 1948

Цагаан дээр

Цагааныг зурах гэж 

Хард өөрийгөө дүрэх хэрэг юун

Чамгүйгээр алив бүхэн

Эмхлүүн ч байж мэднэ

НӨХЦӨЛТ ЭХ ОРОН

TIMELESS

Fernando Calhau, 1996

Болох бүхэн нисээд 

Болохгүй гогцоороод үлддэг

Болохгүй бүхний тунамалд эх орон л үлддэг

ЧИ, ИДЭЖ Л ЧАДНА

Gerard David

The flaying of the corrupt judge sisamnes (1498)

Идэж л чадна

Хомхойрч, шунаж 

Идэж чадна

Уул, овоог ч

Улс гүрнийг 

Идэж чадна

Хүн зоныг нь

Хүн чанартай нь

Хууль цаазтай нь

Идэж чадна

Хүнээс төрсөн аймшиг 

Чи,идэж л чадна

НУУВЧ БА ...

Үнэнийг худалдах гэсэн

Багт наадам дунд

Өөрийгөө гээчихгүй гээд

Үгсийн дунд нуулаа