Mess

The Mountains of Garbage, Valentin Winkelmann

Бүтээсэн бичвэрт

Би минь зохихгүй болж

Чухалыг цуглуулсаар

Хэрэггүйн овоолго босгож

Манай үеийн үелэх систем

Ашигтай, ашиггүй

Мөнгөтэй, мөнгөгүй

Нутгийнх, мэдлэг чадвар хамаагүй

Манай талынх, айлын фракцынх

Манай намынх, дайсных

Даргын зөв, улныхан

Аялдан дагагч - амьгүй албат

Авлигач

Есенингүй

Есенин бидний дунд амьдахгүй байсан

Ер бусын бүгчим, салхивчаа нээсэн ч бүтмээр

Хугацаа нь дуусаад, үнэр ормоор хайран дунд

Хүн болгон руу инээж амьдарна гэдэг там бус уу

Маний бага нас

Далан дээр суугаад баахан инээлдэнэ Картын талханд алалцана Бөөнөөрөө “Санана даа” дуулаад Байрны турникийг хашраана Дээвэр дээр бүжгээ давтана Дээрэмдүүлэхгүй гээд хамаг юмаа л нууна Подвалд шаолины кино үзнэ Хятад хүүхний зургаар ханаа чимнэ Ах нар автобусны буудал дээр зодолдоно Орцонд гитар тоглож хоолой салгана Гэрт зах л иднэ Гэрийнхэн урагшаа хойшоо хөвөрнө
 

ОГТ-ОР-ҮГҮЙ

Painting To Hammer A Nail,

 Yoko Ono, 1966

1.

Ор үлдэх нь 

Хадаасны хэрэг ч

Алхны шунал

Тогтоох гэсэн тавны зовлон

2.

Зовлон, шунал, хэрэг гурав

Хорвоог илээсэн мөр болно

Ор, мөр, одон цогцыг багтаасаар

Огт-ор-үгүй болно

ЭХ ХЭЛ

 

Уйлах Унах, босох, Сэтгэх, дурлах Ижийгээ хайрлах Мөөмөө амлах Өтгөсөө үдэх Үрээ өлгийдөх Эх хэл

ХҮН ГЭГЧ ТАХАЛ

 

Таван мөхөл өнгөрөөгөөд 

Тайвширч амс хийх зуур 

Хүн гэгч тахал 

Хүсэл, шуналын боол

Маргаашийн тухай бодолгүй

Мөхөлд дахин дуудна.